咪報 - 娛樂網站

【割蓆放題】網民發功商戶紛紛撤回廣告 CCTVB台徽3隻色甩晒

「無線新聞,是是但但」係網民傳頌多年嘅金句﹐近年CCTVB嘅新聞報導更加由求其、是但,進一步劣化為「洗腦節目」,對唔識轉台、較少上網嘅長輩為害更深,於是一眾網民就發起連串杯葛CCTVB行動,向廣告商埋手,喺佢哋嘅社交媒體專頁瘋狂勸喻商家回頭是岸,切勿與CCTVB為伍,行動幾日,已初見成效,繼噚日寶礦力水特表示唔會再喺CCTVB落廣告之後,今日又到Pizza Hut同信諾環球保險,有網民笑稱,CCTVB三色台徽之中的藍色、紅色、綠色都已消失。
撰文:Be | 資料來源:LIHKG、Facebook、中央聖學子
Cap嚟見我
網民遊說廣告勿與CCTVB為伍 撤回廣告今年夏天,因為柒婆政府硬推「送中」而示威不斷,CCTVB新聞被指抹黑示威者,為政權服務,呢個已經係新一代香港人嘅共識,於是一眾鍵盤戰士就「和理非非」地追擊CCTVB,對有喺CCTVB落廣告嘅商戶進行遊說,希望佢哋助紂爲虐,撤回廣告。
圖片來源:LIHKG圖片來源:LIHKG噚日寶礦力率先向網民表示會撤回喺CCTVB嘅廣告,引起廣大網民激讚,眾KOL同網民紛紛主動喺社交媒體幫寶礦力賣廣告,又把全城嘅寶礦力掃清光,連日本女星「大波遙」綾瀨遙喺少女時期拍下的嘅寶礦力廣告都被出土,瘋狂洗版!
寶礦力回覆網民查詢,表示會撤回廣告(圖片來源:LIHKG)綾瀨遙(圖片來源:Facebook)商戶遂一撤回廣告 CCTVB紅藍綠3色甩晒寶礦力打響頭炮後,不斷報捷嘅消息,活色生香安全套、Pizza Hut、李健駕駛學校都表示會結束同CCTVB嘅合作,其中活色生香更加出喺Facebook出post直線抽擊CCTVB,叫佢哋檢討作風同埋回應社會訴求,仲hasgtag埋「香港人加油」,網民即時拍爛手掌!
直線抽擊CCTVB(圖片來源:Facebook)活色生香產品包裝咩色都有,係冇綠色(圖片來源:Facebook)喺多個唔同品牌嘅杯葛之下,CCTVB嘅台徽三隻色都唔見晒,被網民強烈恥笑。設計界KOL中央聖學子更把CCTVB嘅台徽脫色,按呢度有得睇!
紅色 – Pizza HutPizza Hut回覆網民查詢(圖片來源:LIHKG)紅色 – 李健駕駛學校李健駕駛學校回覆網民查詢(圖片來源:LIHKG)綠色、藍色 -信諾環球保險信諾環球保險回覆網民查詢(圖片來源:LIHKG)