有冇巴打試過好黑仔，黑到做咩都出事？Cap圖王就試過，真係黑到飲水都就嚟濁死！大台小花陳瀅同劉佩玥為化妝品牌活動擔任嘉賓，但二人遲遲未現身，好似出咗事喎！

Cap嚟見我
出席活動甚少遲到嘅陳瀅今次因塞車而出事，遲到咗45分鐘就陳瀅解釋接連發生小意外，所以一到就不停道歉，仲內疚到喊埋出嚟。而劉佩玥見到咁，都馬上抱住佢安慰。

陳瀅解釋：「我今日經過好多難關先嚟到，我喺尖沙咀過嚟，嚟到有單程路撞車，我放低部車行過嚟。點知條裙後面又爆開咗，叫經理人幫我買裙，但領位拉鏈卡住咗，根本除唔到條裙。唯有除咗胸圍，依家真空，好尷尬又好內疚。」

劉佩玥同陳瀅真係好Friend㗎，佢哋為咗拍攝新節目一齊孖住去旅行！而劉佩玥(Moon)出發前更喺IG新相中表示十分想念某人，難道係暗示有新歡？嗰個原來係陳瀅囉！
劉佩玥新戀情 獨家回應曝光
早前兩位女神到俄羅斯拍攝，更喺IG上載好多新相！而Moon其中一張相就寫：「我知道你在想我，因為我也在想你」。女神公然寫好掛住某人，令人聯想到佢係咪有新歡！

Moon事後解釋，其實自己寫嘅係陳瀅，唔係暗示有新歡，大家都諗多咗啦！其實Moon成日都話陳瀅喺自己老公，兩人如糖痴豆一樣，都唔係新鮮事。
Cap by：巴士的報

---