大家最近有冇睇TVB播緊嘅《平安谷之詭谷傳說》，播咗一個星期多啲，開頭節奏係有啲慢，不過愈入戲肉就愈驚。仲記唔記得第一集就死鬼咗嘅陳瀅，被逼殉葬慘絕人寰呀！佢死時怨氣極重，陰魂不散，早兩晚陳瀅又再出現，個死人樣真係嚇到CAP圖王我個心離一離！

Cap嚟見我
故事講述在一個封閉村落入面的詭異事件，就算踏入民初時代，平安谷仍由男權主導，女人地位卑微，男人可以一夫多妻，而且還有女性殉葬的不人道傳統，村長陸金谷思想守舊，與海外歸來的兒子陸水豐，及自小受西方教育的媳婦羅桂思產生不少矛盾。

套劇焦點當然係一向都好戲嘅蘇玉華啦，蘇玉華飾演的二奶奶無原無故著紅色的裙褂出現，拿住較剪口噏噏：「我就係俾你逼死既青蘭…早登極樂啦。」嚇到村長陸金谷標屎咁滯！


不過估都估唔到陳瀅做鬼原來先係一大亮點！你以為第一集死咗就派飯盒？唔係啦，你睇下佢個死人頭！嚇到差啲熄電視！

雖然呢一幕有網民話明抄《大隻佬》張柏芝。
睇個勢陳瀅應該仲會耐唔耐出現，呢套劇令CAP圖王都覺得佢識做戲，唔係專做陳「淫」角色啦！
膠通消息來源：TVB截圖

---