教到剝衫周永恆單對單教中女客人做瑜伽，究竟點解要剝衫教呢？(大爆) 賤男周永恆 深圳賣身接客冧 40歲富婆 Ads by Google今年初因涉嫌恐嚇老婆趙頌茹及向外母吐口水，被判入獄兩個月的周永恆，幸獲緩刑 18個月，唔使坐監。執番身彩，不過阿 Yu堅決要離婚，周永恆成頭家散曬。香港冇人冇物，惟有北上搵出路。做開 band友的周永恆，近月黐住細佬 Ray，合股在深圳開了一間瑜伽中心。變身做導師的周永恆，上堂不惜剝衫騷肌冧客仔！賣肉求榮有回報，據知周永恆多得一班富婆客仔關照，現租住區內著名豪宅，與唔少當地名人做鄰居。《 FACE》更發現表面上已同周永恆斬纜的 Ruby，竟然跟埋上深圳同居！個底咁花都可以繼續風流快活，周永恆呢隻小強真係生命力強喎！

 31歲周永恆（ Roy）今年 1月因普通襲擊罪成，被判入獄兩個月緩刑 18個月，當時 Roy獲母親安排到內地親戚家暫避，原來係交俾親細佬睇實，以免阿哥再出事。操肌轉行最初北上為避難，估唔到周永恆竟然轉行教瑜伽。發現，現時長居深圳的周永恆，在深圳一間名為「整合瑜伽普拉提培訓中心」的店舖做瑜伽導師。該培訓中心位於高級地段，附近有不少高尚住宅，出入大部分是中產階級及有錢人。上週三（ 16日）晚 8點，剷了短髮、運動褲加背心上陣，操得一身肌肉的周永恆現身培訓中心，單對單教一名中女做瑜伽。周永恆落力地示範唔同動作，表現得好有耐心，與以往暴躁性格有極大對比。

夜釣吊帶妹教完中女，原來周生仲有下場，他專登行去街口接呢位黑 bra女，服侍周到！
露黑 bra黑 bra女去瑜伽中心唔係上堂，反而跟咗周永恆上二樓密密斟！專冧富婆闊太上堂期間，中女一時向周永恆展露滿意笑容，一時以無助眼神表示唔識做，要求周永恆陪住練。一輪熱身後，周永恆進一步出招，忽然剝衫爆肌！上堂上到要除衫，真係第一次見，難得中女相當受落，笑得比之前更甜，而周永恆亦好識做，捉住對方隻手教玩健身器材，美男計玩到出神入化！
 
中女唔識做某啲動作，周永恆即跪低做示範。
周永恆逐個步驟細心教客人做，呢個溫柔樣可能連阿 Yu都未見過。貼到實爆曬肌教瑜伽，動作難免身貼身，一身肌肉加上現場單對單，真係好 hot呀！

好腰力期間中女太攰要休息，周永恆就做高難度倒立動作 show off。劇烈運動足足 20分鐘，中女滿足地離開課室，周永恆亦著返件衫送對方落樓，服務周到。去到門口，中女繼續捉住周永恆傾偈，唔捨得走，仲要喪玩 selfie，梗係啦！成 600蚊人仔一堂㗎！中女離開後，周永恆同其他女顧客吹水，大騷手機入面的型仔相，氹到成班女人圍住佢，連訓練中心的女職員都忍唔住傾埋一份，足見周永恆冧女確有一手。據知他滿足了不少富婆闊太客，難怪在深圳留連忘返。

爆肌冧完中女後，周永恆單拖外出，原來是約了另一黑 bra低胸女食飯，之後周帶對方折返瑜伽中心，兩人在二樓密密斟近 1小時；一晚要應付兩位女客，但周永恆都唔覺攰，仲漏夜過關返香港，第二日又再返深圳教瑜伽。專教夜班
周永恆同細佬有份投資的瑜伽中心，剛剛開張已有唔少女客人幫襯。轉做瑜伽導師的 Roy多數夜晚先返工，負責教 7點後的堂。中心最夜 9點幾關門，大把時間俾周永恆收工瘟女啦！sponsored 大隻 King：唔可以隨便除衫周永恆教瑜伽教到除衫，仲要係單獨對住女學員都照除！究竟咁樣啱唔啱規矩呢？自己開健身室嘅大隻 King趙勁皓就話，「每間 club都有自己規矩，唔會話啲客或者教練可以隨便除衫！上堂時少少身體接觸一定有，但就唔會除衫教，我亦都未聽過會咁做！」小三 Ruby現身以為周永恆修心養性專注事業，點知原來同小三 Ruby（劉依靜）未斷纜！上週四（ 17日）晚，周永恆收工後急急腳走，原來約了 Ruby見面。兩人隨後竟然鬼鬼祟祟走去公園坐低，起初都傾得幾開心，不過之後愈講愈勞氣，周永恆激動到手指指， Ruby就愁爆托頭。傾了 15分鐘，兩人手持一大袋日用品，一齊返回周永恆寓所。位於深圳市中心的服務式住宅，去年尾才落成，屬區內豪宅，屋苑有齊 Wi-Fi、健身室及泳池，有不少當地名人居住。身無分文的周永恆能夠入住豪宅，全靠瑜伽班的闊太客關照，難怪要施展畢生功力冧客啦！
17/9 未斬纜夜會 Ruby周永恆喺香港消聲匿跡，原來已經移居深圳，小三 Ruby把口話斬咗纜，原來又係講大話！
Roy收工後會合 Ruby，不過兩人一見即黑口黑面，火藥味濃。
其後轉場去公園， Roy手指指似鬧人， Ruby就托住頭唔出聲。
返同居竇最後兩人一齊返回 Roy的豪宅寓所，成晚冇再落過樓。
阿 Yu新生活樂做單親媽媽的阿 Yu，週日（ 20日）同朋友食 tea，生活寫意。Ruby買元朗樓 方便北上
網上圖片小三 Ruby入行多年都紅唔起，做極都係奀模或者喺劇集做大茄，但估唔到佢原來都有樓揸手！ Ruby上年用真名劉嘉瑩，以 454萬買入元朗尚悅 1個單位。咦，元朗過關北上咁方便，咪可以成日搵周永恆短聚？Yoga兄弟幫
周永恆曾經吸毒、家暴、有外遇，幸得細佬幫手，邀請佢北上深圳一齊教瑜伽，仲叫佢合股做埋老闆，周永恆先唔使留港做過街老鼠咋！
生平背景2001年，經叔父周啟生介紹入行，簽約香港Sony Music公司，推出首張同名專輯《周永恆 Roy》。曾與盧巧音推出過合唱歌《深愛著你》。2004年，周永恆被控藏毒罪，寓所藏有20粒軟性毒品，判處接受18個月的感化令，及後退出娛樂圈。同年11月，他醉酒又於街頭毀壞公物，被警方調查。亦因為排隊問題係醫院俾人打。2008年起，擔任TVB正視音樂旗下的音樂製作人，負責作曲等工作。2011年被TVB指因為工作態度不佳而終止合作。2010年1月28日，婚前發現有腦生瘤，與趙頌茹2010年奉子成婚。2014年8月29日，趙頌茹在香港向警方報案指與周永恆因在本月24日因感情問題爭執期間被推到在地導致臉部受傷要入院縫6針，然後離家出走。警方拘捕周永恆問話。之後周永恆直認和周永恆模特兒公司助手兼拍檔的港視小花劉依靜（Ruby）搞婚外情。

---